Xornada 2 (3º e 4º ESO)

Xornada 2 (3º e 4º da ESO)

Este próximo xoves 15 de Xaneiro, tócalle o turno os rapaces e rapazas de 3º e 4º da ESO, que nos amenizarán o recreo con dous apaixoantes encontros, que de seguro terán o mesmo seguimento aos da Xornada 1.

Os partidos do próximo xoves serán:

PECES GUASONES - LACEFATO67

COJOS FC- BURLAOS FC

Debido ás inclemenzas climáticas que se preven para o xoves 15, os partidos poderían mudar de día, incluso adiantarse ao mércores, informarase nesta páxina ou o no centro!! Non perdades ollo!

 

Comezo da Xornada 2 (1º e 2º ESO)

 

Xornada 2 (1º e 2º ESO)

Voltou finalmente o torneo de fútbol da Illa de San Simón, tralo parón de Nadal. Tivo que facelo en venres, polas inclemenzas metereolóxicas do xoves, pero como voltou!!

A chuvia respectou os encontros, pero o campo estaba moi rápido, o primeiro partido enfrontou a RACELTA, que debutaba no torneo, e a POLLITOS, que se querían resarcir da derrota da primeira xornada.

O encontro comezou frío, pero rápidamente Pollitos tomou o control e non o perdeu en prácticamente ningún momento. Notouse que era o primeiro encontro de Racelta, pero ben seguro que lle collerán o tono ao torneo. Victoria por 3 tantos a 0 para Pollitos, con doblete de Yandel e actuación destacada de Tuche.

O prato forte da xornada quedou para o segundo encontro, onde se enfrontaban os a priori favoritos para levarse a Copa. CHOCOLATES contra CHURRERÍA PEPE, duelo de líderes que non defraudou en intesidade, paixón e goles. Foi un partido non exento de polémica, con protestas, pode que merecidas, ao señor colexiado.

Adiantouse nada máis comezar Churrería con unha falta rigurosa na frontal da área, moi ben executada por Mikel, a Chocolates entroulles ansiedade polo resultado adverso e costoulles desenvolver o seu magnífico xogo. 

Empatou Xoel nunha bonita xogada de Manu pola banda mediado o partido. Cando parecía que ía quedar o encontro en táboas, outra vez apareceu Pablo no último suspiro, e tras xogada individual, enviou o balón á escadra de Isaac. Victoria 2-1 de Churrería Pepe que os deixa coma líderes.

Proximo Xoves máis pero complicado que mellor!

Xornada 2 do Torneo de Fútbol (1º e 2º da ESO)

 

Xornada 2 (1º e 2º da ESO)

Tralo parón do Nadal, e logo dunhas merecidas vacacións, toca voltar ao Instituto! E na volta, continuamos coa competición ligueira do Torneo de Fútbol.

Este próximo xoves 8 de Xaneiro, tócalle o turno os rapaces e rapazas de 1º e 2º da ESO, que nos deleitarán con dous apaixoantes encontros, ao nivel dos da Xornada 1.

Os partidos do próximo xoves serán:

POLLITO FC - RACELTA

CHOCOLATES - CHURRERÍA PEPE

Debido ás inclemenzas climáticas que se preven para o xoves 8, os partidos poderían mudar de día, informarase nesta páxina ou o propio xoves!! Non perdades ollo!

Torneo de Nadal de Tenis de Mesa

 

Xa temos campións do Torneo de Nadal de Tenis de Mesa!

Táboa do torneo de Nadal

O pasado venres, levouse a cabo o desenlace do torneo de Nadal de tenis de mesa, máis coñecido coma ping-pong. Éxito de participación, con 16 parellas e tamén de seguimento do mesmo!!

O torneo foi emocionante dende os primeiros partidos, pero segundo se avanzaban roldas, a paixón e a emoción foi en aumento! 

Chegaron a semifinais as parellas Martín e Iker de 2ºC, que se enfrontaron na primeira delas a Mikel (1ºB) e Manu (2ºA), saíndo gañadores Mikel e Manu, no que parecía a Final anticipada,

Na segunda sefiminal as parellas, Luca (1ºC) e Gael (1ºB) enfrontáronse contra Dani e Mario (1ºB). A parella de 1ºB, Dani e Mario, leváronse o encontro, ensinando as súas credenciais para a gran Final.

Final disputadísima, que tivo que ir ao set de desempate, ensinando o gran nivel das dúas parellas. Mario e Dani, Mikel e Manu; fixestes un partidazo para decidir a Final. Nese último set de desempate, a final decantouse para Mikel e Manu! Parabéns campións!

E moitos parabéns a todas e todos os participantes!!

A continuación, presentamos o cadro de honra do Torneo de Nadal.

Campións: Mikel e Manu

Subcampións: Dani e Mario

3ª Posición: Iker e Martín

Imaxe da Final

Xornada 1 (3º e 4º ESO)

 ANÁLISE XORNADA 1 (3ºe 4º ESO)

17 de Decembro

Formación do Atlético Quesitos de 3º da ESO

Seguindo o acontecido na xornada inaugural, o segundo día de torneo foi espectacular! Gran ambiente, tempo seco e moito fútbol na cancha do IES San Simón.

Todo comezou ás 11.35 co partido disputado entre Os Burlaos e Lacefato67. Partido pechado, dos que se ten que masticar, onde Os Burlaos levaron o peso total, pero non foron quenes de materializar as numerosas ocasións que tiveron, moitas delas debido á MVP do partido, ALBA, que se fixo xigante e abortou todas as achegas dos rivais. Nunha das poucas chegadas de Lacefato, Iker definiu con mestría e deixou o marcador en 1-0 para o seu conxunto.

O segundo encontro tivo menos historia, foi dominado de cabo a rabo polo Atl. Quesitos, que soubo marcar o ritmo e os tempos do encontro, penalizando ao equipo dos Cojos, co seu xogo de pivote, onde Sergio foi determinante con varias xogadas que sacaron os OES do público, claro MVP. 4-0 para o Atl. Quesitos fronte aos Cojos.

Toca parar polas vacacións de NADAL, pero á volta máis e mellor!!

Adianto xornada 1 (3º e 4º ESO)

 

Adianto Xornada1 (3º/4ºESO)

Debido ás inclemenzas climáticas que se preven para o xoves 18 de decembro, a última xornada do ano da liga de fútbol do IES Illa de San Simón, adiántase ao mércores 17 onde se espera un tempo marabilloso para a práctica do deporte. 

Espéranse partidos apaixoantes, coma os do pasado xoves, onde os rapaces e rapazas de 1º/2º da ESO, deixaron o listón moi alto, en canto a competitividade, xogo limpo, diversión e emoción ata os últimos segundos dos encontros. 

Esperamos ver as gradas cheas, animando e disfrutando coma na primeira xornada. Vémonos mañá!!  

Partidos de mañá:

LOS BURLAOS - LACEFATO67 FC

COJOS FC - ATLÉTICO QUESITOS

Novidades

 

Próximos encontros

ANÁLISE XORNADA 1

Comezou o torneo de fútbol no recreo do xoves!!

Pódese dicir que a xornada inaugural foi un éxito, tanto polo reflectido no terreo de xogo coma polo ambiente  fóra del. Ata os compis de primaria non quixeron perder ollo dos partidos!!

O campionato comezou coa disputa do Chocolates vs Pollitos, onde tras un comezo frío, os chocolates, que hoxe vestiron de vermello; dominaron por completo o xogo e demostraron as súas credenciais para levalo título! Ánimo a Pollitos, que de seguro non darán o seu brazo a torcer no torneo! Resultado: 4-0 a favor de Chocolates.

O Segundo partido enfrontou á Churrería Pepe contra o Getafe FC. Partido moi igualado, disputadísimo e emocionante, non exento de polémica, cun penalty a favor dos da Churrería, moi discutido polo graderío, así como o gol do empate por parte do Getafe. Todo se decidiu nos últimos segundos, cando Pablo apurou a banda e soltou un dereitazo que supuxo o 2-1 a favor de Churrería Pepe e 3 puntos para o peto.

MOITAS GRAZAS A TOD@S E SEGUIMOS!

Podedes ver os mvps dos partidos, así como os resultados e clasificacións nas ligazóns do menú!